اسلام آباد ۔ 7 مارچ (اے پی پی) قومی اقتصادی کونسل آزاد جموں کشمیر ‘ گلگت بلتستان تے فاٹا دے ترقیاتی اختیارات اچ ودھارے دی منظوری ڈے ڈتی ‘ ڈویلپمنٹ ورکنگ پارٹی سانگے منظور شدہ حد ودھا تے40کروڑ روپے کرڈتی گی ‘ ترقیاتی کمیٹی کوں 01ارب روپے دے ترقیاتی اخراجات منظور کرنڑ دا اختیار ڈے ڈتا گے جڈان جو 12 ویں 5 سالہ منصوبے (2018-23) دے سماجی و اقتصادی مقاصد دی منظوری ڈیندے ہوئیں صوبائی حکومتاں کوں پائیدار ترقیاتی اہدف دے حصول سانگے ضلعی سطح تے ادارہ جاتی نظام قائم کرنڑ دی ہدایت کر ڈتی گی ۔قومی اقتصادی کونسل دا اجلاس بدھ کوں وزیراعظم شاہد خاقان عباسی دی صدارت اچ وزیراعظم آفس اچ تھیا ۔اجلاس اچ ۔ اجلاس کوں11ویں پنج سالانہ منصوبے (2013-18) دے دوران ہنڑ تئیں تھیونڑ آلیاں کامیابیاں بارے ڈسایا گیا ایں عرصے دے دوران حاصل تھیونڑ آلیاں کامیابیاں کوں نشابر کریندے ہوئیں ڈسایا گیا جو امن و امان تے مجموعی توانائی دی صورت حال اچ بہتری آئی اے ایندے علاوہ 2012-13اچ دستیاب 20ہزار میگاواٹ دی نصب شدہ مجموعی استعداد اچ دسمبر 2017تئیں 7653میگاواٹ بجلی دا ودھار ا کیتا گے 2012-13اچ 76ہزار بیرل یومیہ دے مقابلے اچ 100698بیرل یومیہ دی بلند ترین مقامی تیل پیداوار ڈیکھنڑ اچ آئی ۔11ویں منصوبے اچ حاصل تھیونڑ آلی اقتصادی کامیابیاں دا ذکر کریندے ہوئیں ڈسایا گیا جو جی ڈی پی دی سالانہ شرح نمو جیرھی جو 2012-13اچ 5.3فیصد دی عشرے دی اچی سطح شرح نمو دے نال تقریبا 5فیصد ودھارا تھیا ۔ این ای سی 12 ویں 5سالہ منصوبے سالہ منصوبے (2018-23) دے سماجی و اقتصادی مقاصد دی منظوری ڈیندے ہوئیں پلاننگ کمیشن کو ںصوبائی حکومتاں تے بئے فریقین دی مشاورت نال منصوبے دا مسودہ تیار کرنڑ دا اختیار ڈے ڈتا گے ۔ این ای سی صوبائی حکومتاں تے وفاقی وزارتاں / متعلقہ اداریں کوں مشورہ ڈے جو او اپنڑیاں پالیسیاں / منصوبہ جات تے مختص مطلوب وسائل کو ںقومی فریم ورک دے نال ہم آہنگ کرن۔اجلاس صوبائی حکومتاں کوں ہدایت کیتی جو او پائیدار ترقیاتی اہداف دے حصول سانگے ضلعی سطح تے ادارہ جاتی نظام قائم کرن۔
