اسلام آباد ۔ 29 مارچ (اے پی پی) صدر مملکت ممنون حسین آکھیے جو عوام دے مسلے حل کرتے انہاں کوں سوکھ ڈیونڑ دا کم عبادت دا درجہ رکھیندے تے ایں معاشرے اچ سکون تے استحکام پیدا تھیندے ،ایں سلسلے اچ وفاقی محتسب دی کاکردگی تعریف دے قابل اے ۔انہاں اے گال وفاقی محتسب سید طاہر شہبازنال خمیس کوں گال بات کریندے ہوئیں آکھی ۔ایں موقع تے سیکرٹری محمد اصغر چوہدری، سینئر ایڈوائزر اعجاز احمد قریشی دے علاوہ بئے اعلیٰ حکام موجود ہن ۔ وفاقی محتسب ایں موقع تے صدر مملکت کوں اپنڑے ادارے دی سالانہ 2017دی رپورٹ پیش کیتی ۔صدر مملکت آکھیا وفاقی محتسب دے ادارے اچ انتظامیہ تے جوڈیشل افسراں دا امتزاج بہتر نتیجے ڈے سگدے ۔ایں سلسلے اچ وفاقی محتسب دی حکمت عملی قابل تعریف اے ۔
