اسلام آباد۔ 16مارچ (اے پی پی) پارلیمانی سیکرٹری داخلہ ڈاکٹر محمد افضل ڈھانڈلہ قومی اسمبلی کوں ڈسایا جو ویزہ پالیسی 2006دے مطابق کجھ ملکاں دے کاروباری حضرات کوں ہک مہینے سانگے آمد تے کاروباری ویزہ جاری کیتا ویندے ۔جمعے کوں قومی اسمبلی اچ سوالاں دے وقفے دے دوران شہناز سلیم دے سوال دے جواب اچ پارلیمانی سیکرٹری داخلہ ڈاکٹر محمد افضل ڈھانڈلہ آکھیا ویزہ پالیسی 2006ءدے مطابق کجھ پیشگی شرائط پوری کرنڑ تے کاروباری دوست ملکاں دی فہرست اچ شامل 68 ملکاں دے صرف کاروباری حضرات کوں آمد تے کاروباری ویزے جاری کیتے ویندن ۔ اے کاروباری ویزہ 30 ڈینھ سانگے جاری کیتا ویندے ۔
