اسلام آباد ۔ 7 مارچ (اے پی پی) وزیر مملکت برائے داخلہ طلال چوہدری آکھے جو اساںپارلیمنٹ اتے بئے اداریاں داوقارودھاونڑچاہندوں، پارلیمنٹ کوں پارلیمان رہونڑ ڈتا ونجے ، میونسپل کمیٹی نہ بنڑایا ونجے۔ بدھ کوں سابق وزیر اعظم محمد نواز شریف دے خلاف نیب ریفرنسز دی سماعت دے موقع تے احتساب عدالت دے باہر میڈیا نال گالھ باتکریندے ہوئیں ہک سوال دے جواب اچ وزیر مملکت داخلہ طلال چوہدری آکھیا جو اپنڑے کیس تے کوئی گالھ نی کرنڑ چاہندا، تساں میریاں ریکارڈنگاں اتے اساڈے بئے رہنماواں دے چہراں دے تاثرات ڈیکھ سگدوں ، اساں اداریاں دی عزت ودھاونڑ چاہندوں،اساں پارلیمنٹ دی عزت تے وقار ودھاونڑ چاہندوں ۔ بطور جمہوری کارکن اساںسمجھتے جو جڈاں تئیں پارلیمنٹ دی عزت کائناں ہوسی ، پارلیمنٹ دی توہین دا نوٹس نی گھدا ونج جا سگدا،جڈاں تیکر پاکستان دے سسٹم ، عوام دی رائے، عوام دے ووٹ دا تقدس صحیح معنیاں اچ قائم نہ تھیسی۔ انہاں آکھیا جو ڈیکھنڑ چاہندوں جو پارلیمنٹ دا اختیار ہے، جو عزت تے تکریم ہے،ا وہ اینکوں ملدی پی ہے یا کائنی۔ انہاں آکھیا اساکوںں سارے سسٹم کوں ڈیکھنڑ پوسی اتے ایہ جمہوری سسٹم دی خوبصورتی ہے ،ایندی اصلاح سانگے گالھ کرنی پوسی۔
