اسلام آباد ۔ 21 مارچ (اے پی پی) وزیر مملکت اطلاعات و نشریات مریم اورنگزیب آکھیے جو پاکستان سپر لیگ(پی ایس ایل) دا کامیاب انعقاد امن و امان دی بہتر صورتحال دی غمازی کریندے ، اے موجودہ جمہوری حکومت دے ویژن دے تحت واضح پالیسی دا ثمر اے، صوبائی حکومتاں دے تعاون تے مسلح فوج دیاں بے مثال قربانیوں نال دہشت گردی مکدی پئی اے،اساڈے شہیداں اپنڑے لہو نال امن دے ڈیوے بال ڈتن ۔پاکستان اچ امن و امان دی صورت حال بہتر تھیونڑ پاروں عالمی کھیڈاں دی واپسی تے کھیڈ دے میدان آباد تھیندے پن ۔بدھ کوں اپنڑے بیان اچ وزیر مملکت مریم اورنگزیب آکھیا جو موجودہ حکومت دی چنگیاں پالیسیاں تے دانشمندانہ فیصلیں نال ملک ترقی تے خوشحالی دے پاسے ٹر پئے ۔انہاں آکھیا 2013اچ آونڑ آلے چیلنج نال نبڑ تے اج پر امن ،اندھارے توں پاک پاکستان اچ زندگی ٹردی پئی اے ۔پاکستان مسلم لیگ (ن ) دے منشور اچ کیتے گے سارے وعدے پورے کر ڈکھائے ہن ۔ سابقہ دور اچ صرف کھوکھلے نعرے لاتے گے ۔انہاں آکھیا وزیراعلی پنجاب محمد شہباز شریف دی ذاتی دلچسپی نال لاہور اچ بین الاقوامی کھلاڑیاں دی آمد نال کھیڈاں دیاں سرگرمیاں ودھ گن ،قوم دا جذبہ ودھار ڈتے نے ۔انہاں آکھیا پاکستان سپر لیگ (پی ایس ایل) دے میچاں سانگے سکیورٹی دے بہترین انتظامات تے حکومت پنجاب کو ںخراج تحسین پیش کریندوں۔ پاکستان اچ کرکٹ دی بحالی سانگے نجم سیٹھی دی قیادت اچ پی سی بی ودھ سارا کر دار ادا کیتا جیرھا جو لائق تحسین اے ۔
