اسلام آباد ۔22 مارچ (اے پی پی) صدرمملکت ممنون حسین آکھیے جو پاکستان شاندار موقع دی سر زمین اے جیں نال اساڈے دوست ملک خاص طور تے وسطی ایشیائی ملک ساریں توں ودھ فائدہ چا سگدن ۔ پاک چین اقتصادی راہداری دے قیام دے بعد وسطی ایشیائی ملکاں سانگے پاکستان اچ کئی شعبے اچ سرمایہ کاری دے ودھ سارے موقع پیدا تھیسن ،جیرھا جو انہاں ملکاں دے سانجھے مفاد اچ ہوسن ،اے گال انہاں ” پاکستان موقع دی سرزمین دے موضوع تے بین الاقوامی سیمینار دے سینئر مندوبین دے وفد نال گال بات کریندے ہوئیں آکھی جیں ایوان صدر اچ انہاں نال ملاقات کیتی ۔ایں موقع تے نیشنل سیکورٹی ایڈوائزر لیفٹیننٹ جنرل ناصر جنجوعہ، متعلقہ ملکاں دے سفیر تے بئے اعلیٰ حکام شرکت کیتی ۔ صدرِ مملکت آکھیا جو وسط ایشیا دے ملک تے پاکستان وچال سانجھے ثقافتی رشتے گھنڈیے ہوئے ہن جیرھے جو زندگی دے بئے شعبے وانگوں اساڈے تعاون کوں با معنی بنڑا ڈیندن ۔ وفد اچ ازبکستان دے سابق نائب وزیراعظم تے چیمبر آف کامرس دے چیئرمین اکراموآدم الہا مووچ، نیشنل انسٹی ٹیوٹ آف اسٹریٹیجک اسٹڈیز کرغزستان دے بیدولیتوف نورادل ایسن بکووچ، قزاقستان انسٹیٹوٹ اسٹرٹیجک اسٹڈیز دے جارجے دبووٹسو، تاجکستان دے سنٹر اسٹرٹیجک اسٹڈیز دے ڈائریکٹرخدابردی خلیق نظر، ترکمانستان دے نائب وزیر معیشت مردان بیرام دردیوو دے علاوہ جمہوریہ کرغز، قزاقستان، ازبکستان، تاجکستان اتے ترکمانستان دے سفیر وی موجود ہن ۔
