اسلام آباد ۔ 26 مارچ (اے پی پی) وزیراعظم شاہد خاقان عباسی آکھیے جو پاکستان قابل ذکر اقتصادی استحکام حاصل کیتا تے امن و امان دی صورتحال اچ بہتری آئی اے جیں دی بدولت ملک اچ سرمایہ کاری سانگے مقامی تے غیر ملکی سرمایہ کاراں دے اعتماد اچ ودھارا تھے ۔ انہاں اے گال مٹسوبشی کارپوریشن دے سینئر نائب صدر نال گال بات کریندے ہوئیں آکھی جنہاں وفد دے نال وزیراعظم آفس اچ انہاں نال ملاقات کیتی ۔ مٹسوبشی کارپوریشن اتے ڈائمنڈ گیس انٹرنیشنل پرائیویٹ لمیٹڈ دے وفد دی قیادت مٹسوبشی کارپوریشن دے سینئر نائب صدر کی می ہیدی اینڈو کیتی۔ ایں موقع تے وزیراعظم دے معاون خصوصی علی جہانگیر صدیقی اتے سینئر سرکاری حکام وی موجود ہن ۔ وزیراعظم پاکستان اچ مٹسوبشی کارپوریشن دی متنوع سرمایہ کاری دی تعریف کیتی ۔ انہاں وفد کوں ڈسایا جو حکومت ملک اچ درپیش توانائی مسلیں دے حل سانگے کئی وڈے توانائی دے منصوبے شروع کیتن ۔
