اسلام آباد ۔ 19 مارچ (اے پی پی) وفاقی وزیر منصوبہ بندی، ترقی و اصلاحات پروفیسر احسن اقبال آکھیے جو 2013دے مقابلے اچ 2018دا گوادر پرامن اتے خوشحال اے، گوادر پاکستان دا مستقبل اے، پاکستان 2025تئیں دنیا دیاں 25وڈیاں معیشتاں اچ شامل تھی ویسی ، ملک کوں ترقی دے رستے تے ٹورنڑ سانگے اساں ساریں کوں رل تے کم کرنڑاں ہوسی ، گوادر دے نینگر ایں ملک دا مستقبل ہن ۔ انہاں خیالاں دا اظہار انہاں سنوار کوں گوادر یونیورسٹی دے دورے دے موقع تے طالب علماں تے طالبات نال گال بات کریندے ہوئیں آکھی ۔وفاقی وزیر آکھیا 21ویں صدی دے نظریے دی کائنی بلکہ تعلیم تے معیشت دی صدی اے ، نظریاتی مباحثیں توں بالاتر تھی تے اقتصادی ترقی کوں سامنڑے رکھ تے معاشی اصلاحات کرنڑیاں ہوسن ۔ انہاں آکھیا اساکوں اگی تے ودھنڑ سانگے معیشت دی ترقی تے توجہ ڈیونڑیں ہوسی ۔ انہاں آکھیا چینی زبان سکھاونڑسا نگے گوادر دے 50نینگراں کوں سکالر شپ دے تحت چین بھجوایا ویندا پے ۔
