اسلام آباد ۔ 29 مارچ (اے پی پی) پاک بحریہ دی کمانڈ اینڈ اسٹاف کانفرنس نیول ہیڈ کوارٹرز اسلام آباداچ مک گئی اے جیندی صدارت چیف آف دی نیول اسٹاف ایڈمرل ظفر محمود عباسی کیتی۔کانفرنس اچ پاک بحریہ دیاں آپریشنل تیاریاں، ترقیاتی منصوبیاں اتے موجودہ سکیورٹی صورتحال دا جائزہ گھدا گئے۔ پاک بحریہ دے ترجمان موجب کانفرنس اچ افواج دی تربیت اتے چنگائی بارے معاملیاں تے گالھ مہاڑ کیتی گئی اتے پاک بحریہ دے سربراہ کوں پاک بحریہ دے جاری اتے مستقبل دے منصوبیاں تے وی بریفنگ ڈتی گئی۔پاک بحریہ دے سربراہ میری ٹائم چیلنجز نال نمٹنڑ کیتے پاکستان نیوی دیاں آپریشنل تیاریاں تے اطمینان کریندے آکھیا جو ملکی پانڑیاں دیاں سرحداں دا دفاع اتے تحفظ کیتے پاک بحریہ ہر ویلھے تیار اے، بحرِ ہند اچ ہکو جھیں چیلنجاں نال نمٹنڑ کیتے مشترکہ میری ٹائم سکیورٹی مضبوط بنڑاونڑ دی لوڑھ اے۔
