پاک بحریہ دے سربراہ ایڈمرل ظفر محمود عباسی دی کمانڈرکویت نیول فورسز، کمانڈر کوسٹ گارڈ کمانڈر نال ملاقات

اسلام آباد ۔ 19 مارچ (اے پی پی) پاک بحریہ دے سربراہ ایڈمرل ظفر محمود عباسی کمانڈرکویت نیول فورسز بریگیڈیئر جنرل خالد عبداللہ اتے کمانڈر کوسٹ گارڈ کمانڈر شیخ مبارک علی یوسف ال صباح نال ملاقاتاں کیتن۔ترجمان پاک بحریہ موجب کویت نیول فورسز دے سربراہ بریگیڈیئر جنرل خالد عبداللہ نال ملاقات اچ ایڈمرل ظفر محمود عباسی ہکو جھیں معاملیاں اتے بحری تعاون تے گالھ مہاڑ کیتی۔ملاقات اچ تربیت، تکنیکی افرادی قوت اتے مہارتاں دے شعبیاں اچ ڈوہان افواج وچال گانڈھے کوں بیا ودھاونڑ تے گالھ مہار کیتی گئی۔کویت نیوی کوں ٹریننگ اتے تربیت یافتہ افرادی قوت ڈیونڑ سانگے کویت نیول فورسز دے سر براہ پاک بحریہ دے کرداردی تعریف کیتی۔ انہاں پاک بحریہ اتے کویت نیوی وچال مختلف شعبیاں اچ مضبوط بحری تعلقات تے زور ڈتے۔ بریگیڈیئر جنرل خالد عبداللہ علاقائی بحری امن اتے استحکام کیتے موثر اتے پائیدار اقدامات کرنڑ تے پاک بحریہ دے کردار دی تعریف کیتی۔امیر البحر ایڈمرل ظفر محمود عباسی کویت اچ پاکستان دے سفیر غلام دستگیر اتے مسلح افواج دے سابق عہدیداراں نال وی ملین۔امیر البحر دا اے دورہ ڈوہاں ملکاں خاص کر بحری دفاعی تعاون اچ اہم ثابت تھیسی۔