کولمبو ۔ 28 مارچ (اے پی پی) جویریہ خان دی ریکارڈ ساز نصف سنچری پاروں پاکستان ویمن پہلے ٹی ٹوئنٹی اچ سری لنکا ویمن کوں ہک وکٹ توں ہرا تے ترائے میچاں دی سیریز ہک صفر دی وتھی گھن گھدی اے۔پہلے کھیددے ہوئے ویمن کرکٹ ٹیم ویہہ اووراں اچ پاکستان کوں جیتنڑ کیتے 130 رنزدا ہدف ڈتے جیہڑا پاکستان آخری اوور اچ 9 وکٹاں دے نقصان تے پورا کر گھدے۔ پاکستانی ٹیم وڈا ہدف حاصل کرتے نواں ملکی ریکارڈوی بنڑائے۔سری لنکا چھی وکٹاں تے 129 رنزبنڑائے۔ سنجی وانی 61 رنز، نیلاکشی ڈی سلوا 35 رنزبنڑا تے ٹاپ سکورر رہین۔پاکستان ولوں ڈیانا بیگ اتے ثناءمیر 2، 2 اتے ندا ڈارہک وکٹ گھدی۔پاکستان ولوں بسمعہ معروف42 رنز،نڈا ڈار ہک رن،کائنات امتیاز 5 رنز، جویریہ خان 33 گینداں تے 8 چوکیاں نال تیز ترین نصف سنچری بنڑا تے نواں ملکی ریکارڈ وی بنڑائے۔ثناءمیر 9 رنز، فریحہ محمود 2 اتے ناشرہ سندھو ہک رن بنڑا تے رن آو ¿ٹ تھین۔ غلام فاطمہ 6 اتے ڈیانا 2 رنزبنڑا تے ٹیم کوں جتوایا۔
