اسلام آباد ۔ 30 مارچ (اے پی پی وفاقی سیکرٹری وزارت اطلاعات و نشریات سردار احمد نواز سکھیرا میڈیا اچ سرکاری اشتہاراں دی ونڈ کوں مزید شفاف بنڑاونڑ سانگے پریس انفارمیشن ڈیپارٹمنٹ کوں ہدایت ڈتی اے جو پی آئی ڈی اشتہاراں دا پلان روزانہ دی بنیاد تے آفیشل ویب سائیٹ تے اپ لوڈ کرے ۔سیکرٹری اطلاعات و نشریات سردار احمد نواز سکھیرا ولوں جاری تھیونڑ آلے احکامات اچ آکھیا گے جو پریس انفارمیشن ڈیپارٹمنٹ (پی آئی ڈی )دے ذریعے الیکٹرانک اتے پرنٹ میڈیا اچ ونڈیے ونجنڑ آلے سرکاری اشتہاراں اچ مزید شفافیت لاونڑ سانگے روزانہ دی بنیاد تے پی آئی ڈی دی ویب سائیٹ تے اشتہاراں دا پلان اپ لوڈ کیتا ونجے ۔
