چیئرمین سینیٹ میاں رضا ربانی دے اعزاز اچ الوداعی تقریب (اج) پارلیمنٹ ہاﺅس اچ تھیسی

اسلام آباد ۔ 5 مارچ (اے پی پی) چیئرمین سینیٹ میاں رضا ربانی دے اعزاز اچ الوداعی تقریب اج (منگل ) کوںپارلیمنٹ ہاﺅس اچ تھیسی۔ایںتقریب دا اہتمام سینیٹ سیکرٹریٹ اتے پارلیمانی رپورٹرز ایسوسی ایشن دی سانجھ داری نال کیتا گئے ۔ الوداعی تقریب اچ پارلیمنٹ دے ارکان اتے پی آر اے دے مرکزی عہدیدارشرکت کریسن۔تقریب اچ مقررین چیئرمین سینیٹ میاں رضا ربانی دے بطور چیئرمین سینیٹ کردار اتے انہاں ولوں قائم کیتیاں گئیاں نویاں روایتاں متعارف کراونڑ دے حوالے نال گال بات کریسن۔ میاں رضا ربانی اپنڑے ترائے سالاں دے دور اچ بطور چیئرمین ،سینیٹ کو ںبطور ادارہ مستحکم کرنڑ اتے اینکوں فعال بناونڑ دے حوالے نال اہم کردار ادا کیتے۔انہاں سینیٹ دے فورم کوں وفاق پاکستان دیاں چارے اکائیاں دی یکجہتی اتے اتحاد دے حوالے نال بہوں چنگے انداز اچ فعال کیتا اتے ایندے علاوہ سینیٹ اجلاس وختی شروع کرنڑ دے حوالے نال وی انہاں ہک قابل تقلید مثال قائم کیتی ہے۔