اسلام آباد۔20مارچ( اے پی پی ) پاکستان تے چین وچال علم ،ادب تے ثقافت دے شعبے اچ ودھ سارے تعاون سانگے مذاکرات آندے مہینے بیجنگ اچ تھیسن جیں اچ شرکت سانگے مشیر وزیراعظم عرفان صدیقی کو ںچین دے سرکاری دورے دی باضابطہ دعوت ڈتی گی اے ۔اے گال پاکستان اچ چین دے ثقافتی قونصلر مسٹر یو یی مشیر وزیراعظم عرفان صدیقی نال قومی تاریخ و ادبی ورثہ ڈویژن اچ ملاقات اچ ڈسائی ۔ عرفان صدیقی چین دی حکومت تے سفارتخانے دا شکریہ ادا کریندے ہوئیں دعوت قبول کرگھدی۔ انہاں آکھیا جو بے مثال یار چین تے پاکستان وچال علم تے ادب تے فن ثقافت دے شعبے اچ تعاون ڈوہیں ملکاں دے عوام وچال پہلے توں موجود قربت اچ مزید ودھارا کریسی ۔ایں موقع تے قومی تاریخ و ادبی ورثہ ڈویژن دے جوائنٹ سیکرٹری سیّد جنید اخلاق وی موجود ہن۔
