ماحولیاتی تبدیلی ڈویژن دے جاری نویں منصوبیں سانگے 80کروڑ 26 لکھ99 ہزار روپے مختص

اسلام آباد ۔ 27 اپریل (اے پی پی) آندے مالی سال 2018-19سانگے سرکاری شعبہ دے ترقیاتی پروگرام (پی ایس ڈی پی) دے تحت ماحولیاتی تبدیلی ڈویژن دےے پہلے توں جاری تے نویں مختلف منصوبیں سانگے 80کروڑ 26لکھ99 ہزار روپے مختص کیتے گن۔ پی ایس ڈی پی دے مطابق ماحولیاتی تبدیلی ڈویژن دے پہلے توں جاری 6منصوبیں سانگے 76کروڑ6لکھ99 ہزار روپے مختص کیتے گن جڈاں جو ڈو نویں منصوبیں سانگے ترائے کروڑ60 لکھ روپے مختص کیتے گن ۔ رپورٹ دے مطابق انہاں منصوبیں تے مجموعی لاگت دا تخمینہ 3ارب 24کروڑ7 لکھ81 ہزار روپے ہے جڈاں جو 30جون2018 تئیں انہاں تے ہک ارب 36کروڑ67 لکھ 42ہزار روپے دے فنڈز جاری کیتے گن ۔