مسلیں تے اوکھ دے باوجود عوام دے حقوق دے تحفظ دی جدوجہد جاری رکھیسوں ، موجودہ حکومت چھیواں ٹیکس فری بجٹ پیش کرتے ہک نویں تاریخ رقم کیتی ، وفاقی وزیر دفاعی پیداوار رانا تنویر حسین

لاہور/شیخوپورہ۔29 اپریل(اے پی پی )وفاقی وزیر دفاعی پیداوار سائنس و ٹیکنالوجی رانا تنویر حسین آکھیے جو مسلیں تے اوکھ دے باوجود عوام دے حقوق دے تحفظ دی جدوجہد جاری رکھیسوں ، پاکستان مسلم لیگ دا نظریہ عوام دی حکمرانی اے، موجودہ حکومت چھیواں ٹیکس فری بجٹ پیش کرتے ہک نویں تاریخ رقم کیتی اے۔انہاں آکھیا اپوزیشن منفی سیاست دا کھیڈ کھیڈی پئی اے ،عوام کوں بے وقوف نی بنڑایا ونج سگدا ۔او اتوار دے ڈینھ مرید کے اچ مختلف عوامی اجتماع تے کھلی کچاری اچ عوام دیاں شکایتاں سنڑنڑ دے بعد گال بات کریندے پے ہن ۔ایں موقع تے ایم این اے رانا افضال حسین چیئرمین ضلع کونسل شیخوپورہ رانا ایم عتیق اتے مختلف یونین کونسلاں دے چیئرمین وی موجود ہن ۔وفاقی وزیر آکھیا جو ملک سیاسی عدم استحکام دا شکار نہ تھینداتاں اج معاشی ترقی دی شرح 6فیصد توں ودھ ہوندی ،دھرنیں تے منفی سیاست ملک کوں معاشی طور تے ضیان پجایا ،پورے ملک توں کارکناں کوں لاہور سڈنڑ آلے چیئر مین پی ٹی آئی کوں اپنڑی سیاسی حیثیت دا اندازہ تھی ونجنڑاں چاہیدے ۔انہاں آکھیا 2018دے الیکشن اچ ن لیگ کوں جتوا تے عوام پاکستان دی خوشحالی تے ترقی دی ضمانت ڈیون ۔رانا تنویر حسین آکھای سی پیک دے دشمناں کوں پاکستان دی ترقی ہضم کائنی تھیندی پئی ایں وجہ توں انہاں ملک کوں سیاسی عدم استحکام دا شکار کیتا ۔انہاں آکھیا مسلم لیگ ن دی کاکردگی عوام دے سامنڑے اے ۔