پاک چین اقتصادی راہداری منصوبہ آونڑ آلیاں نسلاں کیتے گیم چینجر ثابت تھیسی،وزیر مملکت اطلاعات و نشریات مریم اورنگزیب

اسلام آباد ۔ 19 اپریل (اے پی پی) وزیر مملکت اطلاعات،نشریات،قومی تاریخ و ادبی ورثہ مریم اورنگزیب آکھیے جو سی پیک ہک اینجھا منصوبہ اے جیندے نال پاکستان ہی نئیں پورے خطے دی معیشت دا رنگ بدل ویسی۔ چینی ثقافتی مرکز دی تریجھی سالگرہ دی تقریب نال خطاب اچ انہاں دا آکھنڑ ہا جو پاکستان اتے چین دنیا دے سینٹرل پوائنٹ تے ہین ایہا وجہ اے جو پوری دنیا دی دید ساڈے تے اتے سی پیک تے ہے، ون روڈ ون بیلٹ اچ ثقافت کوں خصوصی اہمیت ڈتی گئی اے،موجودہ حکومت چین نال ثقافتی وفوددے تبادلیاں کوں ودھائے۔انہاں آکھیے جو سی پیک نال پاک چین سنگت ہک نویں دور اچ آ رلی اے۔انہان آکھیے جو عالمی سطح تے پاکستان دا اصل چہرہ پیش کرنڑ کیتے فلم ،قومی ورثہ ،ثقافت ،زبان دا کردار بہوں اہم اے،چین دا ثقافتی مرکزثقافتی سرگرمیاں ، پرفارمنگ آرٹس دے ودھارے کیتے بہوں اہم کردار ادا کریندا پئے جیندے نال ہک بئے دی ثقافت کوں سمجھنڑ اچ مدد ملسی۔