اسلام آباد۔ 11اپریل(اے پی پی) سپیکر قومی اسمبلی سردار ایاز صادق آکھیے جو آئین دے ہک ہک لفظ دا تحفظ اتے احترام یقینی بنڑایا ونجے ،اے مقدس دستاویز مستحکم جمہوریت تے ملک دے امن تے خوشحال مستقبل سانگے کلیدی حیثیت رکھیندی اے ۔بدھ کوں قومی اسمبلی اچ آئین دے قومی ڈینھ دی مناسبت نال سپیکر قومی اسمبلی ولوں پڑھیے گے بیان اچ انہاں ایں عزم دا اعادہ کیتا جو پاکستان دے آئین قانون دے ہک ہک لوظ دا تحفظ تے احترام یقینی بنڑایا ویسی ۔اے مقدس دستاویز ملک اچ مستحکم جمہوریت تے ملک دے امن تے خوشحالی مستقبل سانگے بہوں اہمیت دی حامل اے ۔سپیکر آئین دے تقدس تے حفاظت سانگے قربانیاں ڈیونڑ آلے گمنام ہیروز کوں خراج عقیدت پیش کیتا ۔
