اسلام آباد ۔ 21 اپریل (اے پی پی) وزیر اعظم شاہد خاقان عباسی آکھیے جومسلم لیگ ن آندے انتخابات اچ ولا کامیابی گھنسی، آندے انتخابات اچ ووٹ کوں عزت ڈیوو دے نعرے نال ویسوں، ،نگران وزیراعظم دا فیصلہ اپوزیشن لیڈر دی صلاح نال کیتا ویسی،نوازشریف ضرور وطن واپس ولسن۔ اے گالھ وزیرعظم شاہد خاقان عباسی لندن اچ صحافیاں نال گالھ مہارکریندے آکھی۔ انہاں دا آکھنڑ ہا جو پاکستان مسلم لیگ (ن)آندے عام انتخابات اچ اپنڑی انتخابی مہم دے دوران ”ووٹ کوں عزت ڈیوو“دے نعرے کون اگو تے ودھیندے ہوئیں ٹرسی۔ انہان دا آکھنڑ ہا جو مسلملیگ اپنڑی کارکردگی اتے عوام دی خدمت دی بنیاد تے آندے انٹخابات اچ بھرپور حصہ گھنسی اتے ولا کامیابی حاسل کریسی۔ انہان دا آکھنڑ ہا جو کوئی وی اینجھا بندہ نہ ہوسی جیہڑا ووٹ دی حرمت دی مخالفت کرے۔ہک سوال دے جواب اچ انہاں دا آکھنڑ ہا جو ھکومت دی مدت پوری تھیونڑ تے نگران وزیر اعظم دے ناں دا فیصلہ او آپ قومی اسمبلی اچ قائد حزب اختلاف سید خورشید شاہ نال بہہ تے کریسن ۔سابق وزیر اعظم محمد نواز شریف دے لندن توں ولنڑ دے حوالے نال وزیراعظم دا آکھنڑہا جو نواز شریف پاکستان ضرور ول ویسن۔ انہاں آکھیے جو آندے بجت دی تیاری کیتے میڈے مشیربرائے خزانہ،محصولات و اقتصادی امور ڈویژن مفتاح اسماعیل کریندے پن اتے او بجٹ پیش کریسن۔
