آندے مالی سال سانگے پی ایس ڈی پی دے تحت فنانس ڈویژن دے 50 منصوبیں سانگے 18ارب 15کروڑ14لکھ روپے رکھیے گن

اسلام آباد ۔ 27 اپریل (اے پی پی) آندے مالی سال 2018-19ءسانگے سرکاری شعبے دے ترقیاتی پروگرام (پی ایس ڈی پی) دے تحت فنانس ڈویژن دے 50 مختلف منصوبیں سانگے 18ارب 15کروڑ14لکھ 59 ہزارروپے رکھیے گن ۔ پی ایس ڈی پی دے مطابق انہاں منصوبیں اچ فنانس ڈویژن دے پہلے توں جاری 27جڈاں جو23 نویں منصوبیں شامل ہن ۔ رپورٹ دے مطابق پہلے توں جاری منصوبیں کیتے مجموعی لاگت دا تخمینہ 01 کھرب8ارب 40کروڑ3لکھ71 ہزار روپے لاتا گے جیں اچ 14ارب 47کروڑ81 لکھ80ہزار روپے دی غیرملکی امداد شامل اے جڈاں جو 30جون2018ءتئیں پہلے توں جاری انہاں منصوبیں سانگے 62ارب 62کروڑ 6 لکھ77ہزار روپے دے فنڈز جاری کر ڈتے گن ۔ رپورٹ دے مطابق آندے مالی سال دے دوران انہاں منصوبیں سانگے 14ارب69کروڑ67 لکھ79ہزار روپے دے فنڈز رکھیے گن جیں اچ ہک ارب 96کروڑ روپے دی غیرملکی امدا د وی شامل اے ۔