اسلام آباد ۔ 20 اپریل (اے پی پی) وزیر مملکت انفارمیشن ٹیکنالوجی انوشہ رحمن آکھیے جو آندے 11 سال کیتے آئی ٹی، ٹیلی کام دے شعبے کوں ٹیکس فری کرنڑ دی تجویز اے، 2020تئیں سافٹ ویئر ٹیکنالوجی دی برآمدات 10 ارب ڈالرتئیں پجاونڑ دا ہدف رکھیا گئے، 2019 اچ پاکستان اچ فائیو جی ٹیکنالوجی دے اجراءکوں اخیری شکل ڈے ڈتی ویسی، ایں سانگے ڈبلیو او آر سی فائیو جی ٹیکنالوجی دے اجراءدی منظوری ڈیسی۔۔اے گالھ انہاں اسلام آباد اچ موبائل فون کانگریس پاکستان 2018ءدی تقریب نال خطاب اتے میڈیا نال گالھ مہار اچ آکھی اے۔انہان دا آکھنڑ ہا جو پاکستان دی سائبر سیکورٹی کمزوراے جیندے تے ودھ سائبر حملے ہمسایہ ملک کریندا پئے،آندے ڈو سالاں اچ پاکستان دنیا اچ فری لانسنگ آن لائن پروگرامنگ دا نمبر ون ملک ہوسی،ایں ویلھے آئی ٹی دیاں برآمدات 3 توں 4 ارب ڈالرہین،لوکاں دابیرون ملک سارا پیسہ ولا گھن آونڑ کیتے تجویز زیر غور اے جو آئی ٹی دی برآمدات کرنڑ آلیاں کمپنیاں کوں ری بیٹ کیتا ونجے۔انہاں آکھیے جو بلوچستان دی ترقی کیتے تاریخ اچ پہلی واری 26 ارب روپے دے منصوبے شروع کیتے گن، جتھاں دیہاتاں اچ تھری جی ٹیکنالوجی دیاں ٹیلی کام سہولتاں ڈتیاں گن، اسلام آباد دے 226 سکولاں کوں کمپیوٹر لیب ڈے ڈتیاں گئن۔
