اسلام آباد ۔ 19 اپریل (اے پی پی) محکمہ موسمیات دے مطابق آندے 24 گھنٹے اچ اسلام آباد ،اتلے پنجاب ،خیبرپختونخوا، فاٹا، کشمیر اتے گلگت بلتستان اچ کہیں کہیں جاہ تے جڈاں جو شمالی بلوچستان، وسطی تے جنوبی پنجاب اچ کجھ جہیں تے کھمنڑ تے تکھی ہوا نال مینھ وسنڑ دا امکان اے تے ایںدوران خیبرپختونخوا، کشمیر اتے گلگت بلتستان دے پہاڑی علاقیں اچ لینڈسلائیڈ نگ تے کجھ جہیں تے گڑھا پوونڑ دا امکان اے ۔ رپورٹ دے مطابق (اج) جمعے دے ڈینھ اسلام آباد، اتلے پنجاب، خیبرپختونخوا، فاٹا، گلگت بلتستان اتے کشمیر اچ تکھی ہوا تے کھمنڑ نال مینھ وسنڑ دا امکان اے جڈاں جو ایں دوران اسلام آباد، راولپنڈی ڈویژن،ہزارہ، پشاور، کشمیر دے نیڑے علاقیں اچ کجھ جہیں تے ودھ سارے مینھ تے گڑھا پوونڑ دا وی امکان اے ۔محکمہ موسمیات دے مطابق گزریل 24 گھنٹے اچ اسلام آباد، راولپنڈی، ڈیرہ غازی خان،کوئٹہ ڈویژن،خیبرپختونخوا،فاٹا اچ کہیں کہیں جاہ تے جڈاں جو سرگودھا ڈویژن،گلگت بلتستان اتے کشمیر اچ تکھی ہوا تے کھمنڑ نال مینھ وسیا ۔
