نیویارک۔24 اپریل (اے پی پی) اقوام متحدہ اچ پاکستان دی مستقل مندوب ڈاکٹر ملیحہ لودھی آکھیے نینگر لوکاں دے جھیڑے توں بچاﺅ تے انہاں دے خاتمے یا حؒ سانگے طاقتور کردار ادا کرنڑ دی صلاحیت رکھیندوں ،مثبت تے پر امید سوچ دے حامل اے نینگر براداریاں تے معاشرے اچ تبدیلی گھن آونڑ دا محرک ثابت تھیندن ،انہاں دیاں صلاحیتاں کو امن دے قیام تے جھیڑے دے حل سانگے استعمال اچ گھن آیا ونج سگدے ۔ ڈاکٹر ملیحہ لودھی اے گال بات اقوام متحدہ دی سلامتی کونسل دے” یوتھ، پیس اینڈ سیکیورٹی“دے موضوع تے ہک اجلاس نال خطاب کریندے ہوئیں آکھی ۔ ڈاکٹر ملیحہ لودھی آکھیا جو اج دے نینگراں کوں انہاں دیاں ساریاں صلاحیت دے نال وڈے چیلنج دا وی سامنڑاں اے جیں اچ سماجی ناہمواریاں، سیاسی اتے معاشرتی منہائی،تعصبات اتے موقعیں دی گھٹکی شامل ہے ۔ عسکری تے دیرینہ جھیڑے ،انسانی المییں اتے غیر ملی قبضے توںایہو نینگر ساریں توں ودھ متاثر ہوندن ۔ ڈاکٹر ملیحہ لودھی آکھیا وزیر اعظم دے یوتھ پروگرام نال ہنڑ تئیں 10 لکھ نینگر مستفید تھی چکن ، اتے انہاں ایں پروگرام توں اعلی تعلیم ، ہنر تے روزگار تئیں رسائی ملی اے ۔
