اقوام متحدہ پاکستان کوں مہاجرین کوں پناہ ڈیونڑ آلا سب توں وڈا ملک قرار ڈتے

اسلام آباد ۔ 30 اپریل (اے پی پی) مہاجرین کیتے اقوام متحدہ دے ہائی کمشنر پاکستان کوں مہاجرین کوں پناہ ڈیونڑ آلا سب توں وڈا ملک قرار ڈتے۔ یو این ایچ سی آردی ہک رپورٹ موجب پاکستان دنیا اچ ہر کہیں توں ودھ مہاجرین کوں جاہ اتے آسرا ڈیونڑ آلا ملک اے جتھاں ساڈھے چوڈاں لکھ مہاجرین کوں پناہ ملی ہوئی اے۔پاکستان غیر مشروط طورتے لکھاں مہاجرین کوں سِر لکاونڑ دی جاہ ڈتی اے اتے بہوں چنگیاں سوکھ ڈتے، ایں سانگے افغان مہاجرین دی ترائے ڈھاکیاں تئیں مہمان نوازی کیتی گئی اے۔سال 2002ءتوں یو این ایچ سی آر پاکستان توں افغانستان ول ونجنڑ آلے تقریباً 4.1 ملین رجسٹرڈ افغان مہاجرین کوں سہولتاں ڈتن۔