اسلام آباد ۔ 10 اپریل (اے پی پی) وزیراعظم شاہدخاقان عباسی آکھیے جو بھارت ولوں کنٹرول لائن اتے ورکنگ باﺅنڈری تے سیز فائر دی دانستہ اتے بلااشتعال خلاف ورزیاں کوں روکیا نہ گیا تاں کشیدگی تے محاذآرائی اچ خطر ناک حد تئیں ودھارا تھی سگدے ۔وزیراعظم اے گال چین اچ منعقدہ باﺅفورم دے موقع تے اقوام متحدہ دے سیکرٹری جنرل اانتونیوگوئتریش نال ملاقات اچ آکھی ۔وزیراعظم آکھیا بھارت ولوں سیز فائردیاں خلاف ورزیاں دے نتیجے اچ نشوم شہریاں دی شہادت دے واقعات رونما تھیندے پن جیں دے تناﺅ اچ ودھارا تھے ۔وزیراعظم مقبوضہ کشمیردی وگرڈی ہوئی صورت حال تے بھارتی قابض فوج ولوں نشوم نہتے کشمیریاں دے قل عام تے تشویش دا اظہار کیتا ۔وزیر اعظم مقبوضہ کشمیر اچ بھارتی فورسز ولوں چھرے دار بندوقاں دے استعمال تے ودھ ساری تشویش دا اظہار کریندے ہوئیں آکھیا پاکستان اقوام متحدہ دی سلامتی کونسل دیاں قرارداداں اتے کشمیری عوام دی خواہشات اتے امنگاں دے مطابق مسئلہ کشمیردا منصفانہ اتے پر امن حل چاہندے ۔انہاں آکھیا عالمی ادارے دے سیکرٹری جنرل کوںمقبوضہ کشمیراچ بھارتی ظلم کوں اجا گر کرنڑ اچ اپنڑاں کردا ر ادا کرنڑاں چاہیدے ۔۔ دہشت گردی دے خلاف پاکستان دے عزم دااعادہ کریندے ہوئیں وزیراعظم آکھیا جو پاکستان ایں حوالے نال زیرو ٹالرنس دی پالیسی اپنا رکھی اے ،پاکستان اپنڑی سر زمین توں دہشت گرد عناصر دے خاتمے اچ نمایاں کامیابیاں حاصل کیتیاں ہن ، پاکستان دہشت گردی دے خلاف جنگ اچ عظیم قربانیاں ڈتیاں ہن تے انہاں کوں اعتراف کرنڑاں چاہیدے ۔وزیراعظم روہنگیا مسلماناں دی حالت زارتے ودھ ساری تشویش دا اظہار کیتا ۔اقوام متحدہ دے سیکرٹری جنرل انسداددہشت گردی، افغان پناہ گزیناں سانگے انسانی ہمدردی دی بنیادتے معاونت تے اقوام متحدہ دے قیام امن اپریشن اچ پاکستان دے کردار دا اعتراف کیتا ۔سیکرٹری جنرل آکھیا او مسئلہ کشمیرتے سنجیدہ ڈائیلاگ دی حمایت کریندے آندن ۔وزیرخارجہ خواجہ محمدآصف، وزیرداخلہ احسن اقبال، چین اچ پاکستان دے سفیرمسعود خالد اتے بے سینئر حکام ایں موقع تے موجود ہن ۔
