حلقہ بندیاں اعتراضات؛الیکشن کمیشن اچ لیہ، راجن پور، مظفر گڑھ اتے ڈیرہ غازی خان دے اعتراضاں دی سماعت سونوار کوں تھیسی

اسلام آباد ۔ 21 اپریل (اے پی پی) الیکشن کمیشن اچ چیف الیکشن کمشنر جسٹس ریٹائرد سردار رضا دی اگوانڑی اچ بنچ سونوار کوں لیہ، راجن پور، مظفر گڑھ اتے ڈیرہ غازی خان دیاں قومی و صوبائی اسمبلیاں دیاں نشستاں تے نویاں حلقہ بندیاں دے خلاف اعتراضاں دی سونوار کوں سماعت کریسن۔ایں سانگے الیکشن کمیشن اچ ڈیرہ غازیخان توں 12،ضلع لیہ توں 21، مظفر گڑھ توں 14 اتے راجن پورتوں 8 اعتراضات ملین۔انہاں اعتراضاں دی سماعت سبھائیں 10 وجے الیکشن کمیشن سیکرٹریٹ اچ تھیسی۔