اسلام آباد ۔ 27 اپریل (اے پی پی) وفاقی وزیر خزانہ مفتاح اسماعیل آکھیے جو موجودہ حکومتتوانائی دے شعبہ اچ بھاری سرمایہ کاری کرتے بجلی ڈیونڑ دا وعدہ پورا کر ڈکھائے۔جمعہ کوں قومی اسمبلی اچ بجٹ پیش کریندے ہوئیں وفاقی وزیر خزانہ مفتاح اسماعیل بجلی منصوبیاں دی تفصیل ڈسیندے آکھیا جو نیلم جہلم ہائیڈرو پاور پراجیکٹ 969 میگاواٹ کا رن آف ریور منصوبہ اے جیہڑا انجینئرنگ دا شاہکار ہے ایندا 90 فیصد حصہ زیرِ زمین اے۔ہنڑین ہی وزیراعظم ایندے پہلے ٹربائن دا افتتاح کیتے،ایویں ہی تربیلا پاور اسٹیشن اچ چوتھے یونٹ دا ودھارا کیتا گئے جیندے نال بجلی دی پیداوار اچ 1410 میگاواٹ وادھا تھئے۔انہاں آکھیا حویلی بہادر شاہ، بھکی اتے بلوکی اچ 3600 میگاواٹ دے آر ایل این جی پلانٹس لائے گئن۔ ساہیوال اتے پورٹ قاسم اچ پاکستان دے پہلے سپر کریٹیکل کول فائرڈ پاور پلانٹس دے نال نال چشمہ نیوکلیئر پلانٹس C-III اتے C-IV وی فعال تھی چکن۔انہاں آکھیے جو 1000 میگاواٹ توں ودھ قابل تجدید توانائی دے منصوبے بغیر کہیں ایندھن دے بجلی بنڑیسن۔
