حکومت عوامی امنگاں دے مطابق بجٹ پیش کر تے انہاں دے دل جت گھدن ،وفاقی وزیر چوہدری محمد برجیس طاہر

اسلام آباد ۔ 29 اپریل (اے پی پی) وفاقی وزیر برائے امور کشمیر و گلگت بلتستان چوہدری محمد برجیس طاہر آکھیے جو مسلم لیگ ن دی حکومت عوام دیاں امنگاں دے مطابق بجٹ پیش کر تے انہاں دے دل جت گھدن ، مسلم لیگ (ن) دے قائد محمد نواز شریف خصوصی ہدایت کیتی ہئی جو آندے مالی سال دے بجٹ اچ عوام کوں ریلیف ڈتا ونجے ۔ ہفتے کو ںجاری انہاں بیان اچ بجٹ تے اہداف تے خصوصی ریٹس متعلق رعایت کوں نہ صرف تنخواہ دار تے کاروباری طبقے اچ سراہیا ویندا پے بلکہ ماہرین معاشیات سارے شعبیں دے حوالے نال بجٹ اچ چاتے ونجنڑ آلے مثبت اقدام کوں پاکستان دی معیشت تے عوام سانگے بہوں سود مند قرار ڈیندے پن ۔ چوہدری برجیس طاہر آکھیا جو معاشی میدان اچ حکوت دے گزریل پنج سال دے اقدامات نال ترقی دی شرح اچ زبردست ودھارا تھے ، اتے ایں سال وی بجٹ متعلق کیتے گے مثبت اقدامات نال معاشی ترقی اچ مزید ودھارا تھیسی ۔ انہاں آکھیا ٹیکس ریٹس اچ گھٹکی پاروں ودھ توں ودھ لوکاں کوں ٹیکس کلچر متعارف کراونڑ اچ مدد مل ویسی ۔ انہاں آکھیا ایں حکومت دی پنج سال دی کاکردگی عوام دے سامنڑے ہے ایں کاکردگی پاروں عوام نواز شریف دے نال رل تے کھڑی اے ۔