دولت مشترکہ دا 25 واں سربراہ اجلاس شروع وزیراعظم شاہد خاقان عباسی اتے بئے سربراہیں کوں گارڈ آف آنر پیش کیتا گیا

لندن ۔ 19 اپریل (اے پی پی) دولت مشترکہ دا 25 واں سربراہ اجلاس خمیس کوں شروع تھی گیا جیں اچ پاکستان دی نمائندگی شاہد خاقان عباسی کریندے پن ۔ملکہ برطانیہ دولت مشترکہ سربراہ اجلاس دا باقاعدہ آغاز کیتا ۔دولت مشترکہ اجلاس دے حوالے نال تقریب بکھنگم پیلس اچ تھی۔ تقریب دی میزبانی ملکہ برطانیہ کیتی۔ برطانیہ دی ملکہ بئے شاہی خاندان دے نال مہماناں دا استقبال کیتا۔ بکھنگم پیلس اچ وزیراعظم شاہد خاقان عباسی اتے بئے سربراہیں کوں گارڈ آف آنر پیش کیتا گیا۔