دہشت گردی دے خاتمے نال پاکستان اپنڑی منزل دے پاسے ٹر دا پئے ،پاکستانی قوم دہشت گردی دے خلاف بے مثا ل کردار ادا کیتا ، وفاقی وزیر داخلہ منصوبہ بندی، ترقی تے اصلاحات پروفیسر احسن اقبال

APP03-05 ISLAMABAD: April 05 – Interior Minister Prof. Ahsan Iqbal addressing to a seminar on Islamabad International Counter Terrorism Forum (IICTF) organized by NACTA. APP photo by Saleem Rana

اسلام آباد ۔ 5 اپریل (اے پی پی) وفاقی وزیر داخلہ منصوبہ بندی، ترقی و اصلاحات پروفیسر احسن اقبال آکھیے جو دہشت گردی دے خاتمے سانگے پاکستان اپنڑی منزل دے پاسے ٹردا پے ،پاکستانی قوم دہشت گردی دے خلاف بے مثال کردار ادا کیتے ،عالمی امن سانگے پاکستانی قوم اپنڑی جان مال سارا کجھ قربان کیتا ۔پاکستان دہشت گردی دے خاتمے سانگے موثر اقدامات کیتے ۔اے گال انہاں خمیس کوں انسداد دہشت گردی فورم نال خطاب کریندے ہوئیں آکھی ۔ وفاقی وزیر آکھیا پاکستان دی دہشت گردی دے خلاف کامیابی تے ایں فورم دا انعقاد کیتا گیا۔انہاں آکھیا اساں اوں دنیا اچ رہندے پیوں جیں دا ہر ملک دہشت گردی دا نشانہ بنڑدا پے ۔احسن اقبال آکھیا موجودہ دور اچ نینگر نسل سانگے ساریں توں وڈا چیلنج دہشت گردی ہئی ،پاکستان اوکھے وقت دے باوجود دہشت گردی دے خلاف عالمی تے علاقائی سطح تے پرعزم رہیا ۔وفاقی وزیر آکھیا سیکورٹی فورسز ،سیاست دان ،میڈیا تے ہر شعبے انسداد دہشت گردی اچ ودھ سارا حصہ گھدا ،انہاں آکھیا پاکستان تے چین سی پیک دے ذریعے علاقائی رابطے تے ترقی سانگے کم کریندے پن ۔ احسن اقبال آکھیا مسئلہ کشمیر دے حل دے بغیر پاکستان بھارت دے جھیڑے مک نی سگدے ۔