اسلام آباد ۔ 3 اپریل (اے پی پی) چیئرمین سینٹ محمد صادق سنجرانی آکھیے جو سمندر پار پاکستانی ملکی ترقی و خوشحالی کیتے بہوں اہم کردار ادا کریندے پن اتے نہ صرف ارباں روپے دا زرمبادلہ بھجویندن بھل ملک توں باہر پاکستان دی سنجانڑ ودھاونڑ کیتے وی سفیر دا کردار ادا کریندے پن۔ سعودی عرب اچ راہنڑآلی پاکستانی برادری نال خطاب اچ انہاں آکھیے جوسعودی عرب جھیں مقدس اتے امت مسلمہ دے دینی و روحانی ملک اچ پاکستانیاں دی اتنی وڈی تعداد ڈیکھ تے بہوں خوشی تھئی اے، حکومت سمندر پار پاکستانیاں دے مسائل حل کرنڑاتے انہاں کوں سوکھ ڈیونڑ کیتے چنگیاں کوششاں کریندی پئی اے،ایں سانگے ایوان بالا دی قائمہ کمیٹی برائے سمندر پار پاکستانیاںدیاں کردار وی بہوں اہم اے۔انہاں آکھیے جو پاکستانیاں دے مسلیاں دے حل سانگے سعودی عرب اچ پاکستانی سفارتخانے دے عملہ دی تعداد ودھا ڈتی گئی اے۔صادق سنجرانی آکھیے جو پاکستان اتے سعودی عرب دے تعلقات بھرا بھرپی، دینی و علمی گانڈھے اتے محبت اچ گندھیے ہوئین، ڈوہیں ملکاں ہر اوکھے سوکھے ویلھے ہک بئے دا ہتھ ونڈائے اتے اے پیار اگو تے وی ٹردا راہسی۔
