اسلام آباد ۔ 6 اپریل (اے پی پی) وفاقی حکومت ولوں سی پیک منصوبے دے تحت 8.2 ارب ڈالر مالیت نال ریلوے دی مینلائن ایم ایل ون دی اپ گریڈیشن دا منصوبہ آندے مالی سال دے دوران شروع کیتا ویسی ۔پلاننگ کمیشن دے حکام دے مطابق وفاقی حکومت ریلوے دے شعبے کوں اجوکے مالی سا ل دے بجٹ اچ خصوصی اہمیت ڈیندی پئی اے تاں جو ایندی تکمیل نال ملک دی اقتصادی تے معاشی تے خوشحالی دے اہداف اچ مدد حاصل کیتی ونج سگے ،چین پاکستان اقتصادی راہداری منصوبے نال صوبہ پنجاب اچ 30 فیصد، صوبہ سندھ اچ 18 فیصد، بلوچستان اچ 36 فیصد، خےبر بختونخوا اچ 9 فیصد، گلگت بلتستان اچ 6 فیصد اتے اچ ہک فیصد نویں ریلوے ٹریک وچھائے ویسن ۔حکام دے مطابق چین پاکستان اقتصادی راہداری منصوبے نال 8.2ارب ڈالر مالیت نال ریلوے دی مین لائن ایم ایل ون دی اپ گریڈیشن دا منصوبہ آندے مالی سال شروع کیتا ویسی جڈاں جو وزارت ریلوے ولوں سی پیک دے تحت ایم ایل ون دی اپ گریڈیشن دا منصوبہ سینٹرل ڈویلپمنٹ ورکنگ پارٹی کو ںمنظوری سانگے پٹھ ڈتا گے ۔
