اسلام آباد ۔ 21 اپریل (اے پی پی) شاعر مشرق، مفکر اسلام علامہ محمد اقبال دی 80واں ورھینڑاں پورے ملک اچ عقیدت نال منایا گئے، ایں سانگے خصوصی دعائیں منگیاں گن، مزار اقبال تے پھلاں دیاں چادراں چڑھائیاں گین ، صدر اتے وزیر اعظم دے خاص سنیہڑے وی جاری کیتے گن۔علاقمہ اقبال انگلستان توں قانون دی ڈگری گھدی،جومنی اچ پی ایچ دی فلسفہ اچ کیتی۔تعلیم توں بعد اورینٹل کالج لاہور اچ پڑھائے اتے بیرسٹری کوں پیشہ بنڑائے۔شعرو شاعی اچ انہان دا دنیا اچ وڈا نان اے۔انہان سیاسی تحریکاں اچ حصہ گھدے اتے اپنڑے انقلابی شعراں نال برصغیر دے مسلماناں کوں انجھ وطن دی نویں راہ ڈکھائی اتے اے خواب پورا کرنڑ کیتے ہک نواں جذبہ ڈتے۔1922 اچ حکومت انہاں کوں سَردا خطاب ڈتے۔تسان آل انڈیا مسلم لیگ دے صدر چنڑے گئے،1930 اچ تاریخی الہٰ آبادخطبہ ڈتا اتے پاکستان دا تصور پیش کیتا۔پاکستان کوں آزاد ڈیکھنڑ توں پہلے ہی تساں دنیا توں منہ موڑ گئے اتے 21 اپریل 1938 کوں وفات پاتی۔اقبال دیاں کئی کتاباں دے انگریزی، جرمن، فرانسیسی، چینی، جاپانی اتے بنھاں زباناں اچ ترجمے تھی چکن۔
