اسلام آباد ۔ 2 اپریل (اے پی پی) صدر مملکت ممنون حسین ترک نیول چیف ایڈمرل عدنان اوزبل کو ںنشان امتیاز (ملٹری) ڈتا۔ سنوار کوں ایوان صدر اچ ایوارڈڈیونڑ دی تقریب منعقد تھئی جیندے اچ پاک بحریہ دے سربراہ ایڈمرل ظفر محمود عباسی ، ترکی دے سفیر احسان مصطفی یورکاکل اتے اعلیٰ حکام شرکت کیتی۔ ایوارڈ ڈیونڑ دے بعد ترک نیول چیف نال گالھ مہاڑ کریندے ہوئیں صدر مملکت آکھیا جو پاکستان اتے ترکی وچا ل محبت دے گانڈھے دی گہرائی الفاظ اچ بیان کرنڑاں اوکھی ہے ۔ مسلم امہ دے مسئلیاں دے حل سانگے پاکستان ترکیدکے کردار دا احترام کریندے ۔ صدر مملکت آکھیا جو پاکستان اتے ترقی عالمی فورماں اُتے ہک بئے دے نال تعاون کریندے پئے ہن ۔ انہاں آکھیا جو پاکستان اتے ترکی دے جمہوری اداریاں وچال تعاون بہوں گہرا ہے ۔ انہاں آکھیا جو ترکی مسلم امہ کوں پیش آونڑ آلے مسلیاں دے حل سانگے جرات مندانہ کردار ادار کریندا پئے ۔ صدر مملکت آکھیاجو پاک۔ترک دفاعی تعلقات مستقبل اچ بیا اگوںویسن ۔ انہاں آکھیا جو افغانستان دے مسئلے دے حل کیتے صدر طیب اردوان دا کردار قابل تعریف ہے۔ انہاں آکھیا جو مہاجراں دی جیہڑی فراخدلی نال مہمانداری کیتی ہے او تعریف دے قابل ہے ۔ انہاں ایں عزم تے زور ڈتا جو موجودہ وقت اچ مسلیاں دے حل سانگے اسلامی اتحاد وقت دی ساریاں توںاہم لوڑ ہے ۔ ایں موقعے تے ترکی دی نیول فورس دے سربراہ وائس ایڈمرل عدنان اوزبال صدر مملکت دا شکریہ ادا کیتا اتے آکھیا جواو پاک۔ترک دفاعی گانڈھے دے ودھارے سانگے آپنڑاں کردار ادا کریسن۔
