اسلام آباد ۔ 26 اپریل (اے پی پی) وزیر داخلہ و منصوبہ بندی، ترقی و اصلاحات پروفیسر احسن اقبال آکھیے جو پاکستان مثبت سمت دو ٹر پئے جیکر ہنڑوی اساں موقعے ضائع کیتے تاں ساکوںتاریخ معاف نہ کریسی،طاقت دے سارے مراکز ہک تھی ونجن تاں پاکستان ضرور ٹیک آف کر ویسی،سینٹر فار میتھ میٹیکل سائنسزہک مہینے اچ قائم تھی ویسی۔ اوپیاس یونیورسٹی نیلور اچ سنٹر فار میتھ میٹیکل سائنسز دا منڈھ بدھنر دی تقریب نال خطاب کریندے پئے ہن۔انہاں دا آکھنڑ ہا جو ساکوں چین دے تجربیاں توں سکھنڑدی لوڑھ اے،سڑکاں اتے بجلی دے منصوبیاں توں علاوہ چین دی ترقی دی بنیاد امن، استحکام اتے اصلاحات تے وی توجہ ڈیونڑ دی لوڑھ اے ۔احسن اقبال آکھیے جو اللہ تعالیٰ پاکستان کوں ٹیک آف دا تریجھا موقع ڈتے، جیکر اساں اے موقع وی ونجا چھوڑیا تاں تاریخ ساکوں معاف نہ کریسی،طاقت دے سارے مراکز ہک تھی ونجن تاں پاکستان ضرور ٹیک آف کر ویسی، اساں پاکستان کوں ہک نویں دور کیتے تیار کرنڑے۔ حکومت نویں شعبیاں اچ سینٹر آف ایکسی لینسزدی بنیاد رکھیندی پئی اے، اساں چوتھے صنعتی انقلاب دی بنیاد رکھیندے پئے ہیں جیندے نال اساں دنیاکوں انہاں شعبیاں اچ لیڈررز ڈے سگسوں۔انہاں آکھیا جو نینگر عزم کرن جو او علم دے میدان اچ ترقی کرتے دنیا دی اگوانڑی کریسن اتے ٹیکنالوجی سلوشنز اتے انوویشن تے توجہ ڈیسن۔
