قراقرم ہائی وے سی پیک دی بنیاد اے، پاکستانی قوم اینکوں بنڑاونڑ آلیں نال ودھ ساری محبت کریندی اے صدر مملکت ممنون حسین دی شاہراہ قراقرم دی تعمیر دے دوران جاناں قربان کرنڑ آلے کارکناں دے ٹبر نال گال بات

اسلام آباد ۔ 3 اپریل (اے پی پی) صدر مملکت ممنون حسین آکھیے جو قراقرم ہائی وے پاک چین اقتصادی راہداری دی بنیاد تے اینکوں بنڑاونڑ آلے اقتصادی راہداری دے بانی ہن، پاکستانی قوم انہاں نال ودھ ساری محبت کریندی اے تے انہاں دا احترام کریندی اے ۔صدر مملکت اے گال شاہراہ قرارقرم بنڑاونڑ دے دوران جاناں قربان کرنڑ آلے کارکناں دے ٹبر نال گال بات کریندے ہوئیں آکھی جنہاں چین دے سفیر یاوجینگ تے چین دے سابق سفیر ڑنگ چونڑنگ دی قیادت اچ انہاں نال ملاقات کیتی ۔ایں موقع تے شاہراہ قراقرم دی تعمیر دے دوران جان قربان کرنڑ آلے انجینئرز اتے کارکنوں دے ذکر تے جذباتی کیفیت پیدا تھی گی تے سابق سفیر سمیت کئی لوکاں دیاں اکھیں اچ پانڑیں آگیا ۔صدر مملکت آکھیا دنیا پاک چین دوستی دیاں مثالاں ڈیندی اے ۔ چین دے سابق سفیر ڑنگ چونڑنگ آکھیا جو شاہراہ قراقرم دی تعمیر دے دوران پاکستانی اتے چینی کارکناں رلے خون پسینہ وہائے جیں دی خوشبو اج وی تازی اے ۔