کراچی ۔ 28 اپریل (اے پی پی)صدر مملکت ممنون حسین آکھیے جو قومی معیشت دے استحکام تے ترقی سانگے درست پالیسی سازی دے علاوہ پالیسیاں دا تسلسل وی ضروری اے کیوں جو ایندے بغیر کہیں وی شعبے دی ترقی دا خواب نی ڈٹھا ونج سگدا ۔ ملک انتخابی عمل دے پاسے ودھدا پے ایں سانگے تاجراں تے صنعت کاراں سمیت پوری قوم دی اے ذمے واری اے جو او مستقبل دے فیصلے کریندے وقت درست حکمت عملی اتے پالیسیاں دے ذریعے ملک دی خدمت کرنڑ آلیں دے ہک پکے کرن ۔صدر مملکت اے گال ہفتے کوں کراچی اچ رائس ایکسپورٹرز ایسوسی ایشن آف پاکستان دی 10 ویں ایکسپورٹ ٹرافی دی تقریب نال خطاب کریندے ہوئیں آکھی ۔ایں موقع تے گورنر سندھ محمد زبیر اتے چیئرمین رائس ایکسپورٹرزایسوسی ایشن، چوہدری سمیع اللہ وی خطاب کیتا۔ صدر مملکت آکھیا جو عالمی سطح تے رونما تھیونڑ آلے واقعات دی وجہ توں اساڈا خطہ انتہا پسندی تے دہشت گردی دا شکار رہیا اے تے ایں اساڈی اقتصادی صورت حال کوں بہوں متاثر کیتے لیکن حکومت مستقبل مزاجی دے نال ایں چیلنج دا سامنڑاں کیتا جیں پاروں حالات تبدیل تھی گن تے ملک انتخابی عمل دے نیڑے پج گے ۔
