مدیحہ گوہر اداکاری اتے ڈرامہ لکھنڑ دے شعبیں اچ اپنڑے فن تے صلاحیت دا لوہا منوایا ،چھیکڑی ساہ تئیں اپنڑے مشن تے کم کریندیاں رہ گئیاں وزیر مملکت اطلاعات، نشریات، قومی تریخ تے ادبی ورثہ مریم اورنگزیب دا معروف ٹی وی آرٹسٹ مدیحہ گوہر دے انتقال تے تعزیت دا اظہار

اسلام آباد ۔ 25 اپریل (اے پی پی)وزیر مملکت اطلاعات، نشریات، قومی تریخ تے ادبی ورثہ مریم اورنگزیب معروف ٹی وی آرٹسٹ مدیحہ گوہر دی فوتگی تےودھ سارے ڈکھ اتے افسوس دا اظہارکریندے ہوئیں آکھے جو مدیحہ گوہر اداکاری اتے ڈرامہ لکھنڑ دے شعبیں اچ اپنڑے فن اتے صلاحیت دا لوہا منوایا۔اپنڑے تعزیتی بیان اچ وزیر مملکت مریم اورنگزیب آکھیا جو مدیحہ گوہراپنڑے فن کوں معاشرے دی چنگائی سانگے سماجی تحریک دی شکل ڈتی اتے اپنڑے چھیکڑی ساہ تئیں انہاں اپنڑاں مشن جاری رکھیا۔انہاں آکھیا جومدیحہ گوہر سماجی مسائل کوں اجاگر کرنڑ سانگے تھیٹر کوں اپنڑے اظہار دا ذریعہ بنڑایا،تھیٹر دے حوالے نال انہاں دیاں خدمات کوں ہمیشہ یار رکھیا ویسی ۔انہاں آکھیا جو مدیحہ گوہر اعلی تعلیم یافتہ تریمت ہن جنہاں معاشرے اچ چنگی اتے مثبت سوچ کوں ودھاونڑ سانگے ڈھگ سارا کم کیتے۔سماجی خدمت دے حوالے نال انہاں دا ناں ہمیشہ زندہ راہسی۔وزیر مملکت مریم اورنگزیب دعا کیتی جو اللہ سائیں مرحومہ دی بخشش کر تے جنت اچ جاءڈیوئے اتے انہاں دے گھر آلیاںکوں صبر ڈیوے۔