اسلام آباد ۔28اپریل (اے پی پی)وزیر قانون و انصاف محمود بشیر ورک آکھیے جو پاکستان مسلم لیگ (ن) دی حکومت عام آدمی کوں ودھ توں ودھ ریلیف ڈیونڑ سانگے متوازن اتے عوام دوست بجٹ پیش کیتا۔ ہفتے کوں ریڈیو پاکستان کوں ڈتے گے انٹر ویو اچ انہاں آکھیا جو اپوزیشن جماعتاں دا احتجاج تے واک آﺅٹ غیر منطقی اے ۔انہاں آکھیا پاکستان مسلم لیگ (ن) حالی اقتدار اچ ہے تے ایں ڈے بجٹ پیش کرنڑ دا آئینی حق اے۔ انہاں آکھیا اگر اپوزیشن کوں ایندے تے اعتراض اے تاں ایں کوں مذاکرات دے ذریعے حل کیتا ونج سگدے جڈاں جو احتجاج تے واک آﺅٹ مسلے دا حل کائنی۔ انہاں آکھیا معاشی تجزیہ کاراں وی بجٹ 2018-19ءکوں متوازن قرار ڈتے تے عوام دے مسلیں دے خاتمے تے حکومت دی خصوصی توجہ دی تعریف کیتی اے ۔
