مفتاح اسماعیل ولوں بجٹ پیش کرنڑ دا فیصلہ کابینہ دا اے اتے ایں دے وچ کوئی غیر آئینی گالھ کائنی،ملک دا نظام چلاونڑ سانگے بجٹ پیش کرنڑ لازمی ہئی ،نویں حکومت آ کراہیں بجٹ اتے فریم ورک کوں بدلنڑ دا پورا اختیار رکھیندی اے،ایں بجٹ اچ عوام سانگے ایجھے اقدامات ہن جیڑھے جو ماضی اچ کہیں بجٹ اچ کائنا ہن ، وزیراعظم شاہد خاقان عباسی دا قومی اسمبلی اچ سید خورشید شاہ اتے شاہ محمود قریشی دے نکتہ اعتراض تے گالھ مہاڑ

اسلام آباد۔ 27اپریل(اے پی پی) وزیراعظم شاہد خاقان عباسی آکھیا جو مفتاح اسماعیل ولوں بجٹ پیش کرنڑ دا فیصلہ کابینہ دا اے اتے ایں دے وچ کوئی غیر آئینی گالھ کائنی،ملک دا نظام چلاونڑ سانگے بجٹ پیش کرنڑ لازمی ہئی ،نویں حکومت آ کراہیں بجٹ اتے فریم ورک کوں بدلنڑ دا پورا اختیار رکھیندی اے،ایں بجٹ اچ عوام سانگے ایجھے اقدامات ہن جیڑھے جو ماضی اچ کہیں بجٹ اچ کائنا ہن۔ جمعہ کو ںقومی اسمبلی اچ قائد حزب اختلاف سید خورشید شاہ اتے شاہ محمود قریشی ولوں چاتے گئے نکتہ اعتراض دا جواب ڈیندیں ہوئیں انہاں آکھیا جو قائد حزب اختلاف اتے تحریک انصاف دے پارلیمانی لیڈر کوں جمہوریت اتے آئین دا جیڑھا درد اے چنگی طرح جانڑداں۔