مقبوضہ کشمیر اچ نہتے شہریاں دے خلاف بدترین بھارتی ریاستی دہشت گردی اتے قابض فوج دا ظلم تے بربریت قابل مذمت اے، مظلوم کشمیریاں دی رت ناحق وہا تے بھارت انہاں دے حق خود ارادیت دی منصفانہ تحریک کو ںدبا نی سگدا ،وزیر مملکت اطلاعات، نشریات، قومی تاریخ تے ادبی ورثہ مریم اورنگزیب

اسلام آباد ۔ 2 اپریل (اے پی پی) وزیر مملکت اطلاعات، نشریات، قومی تریخ تے ادبی ورثہ مریم اورنگزیب مقبوضہ کشمیر اچ نہتے شہریاں دے خلاف بدترین بھارتی ریاستی دہشت گردی اتے انہاں دی قابض فوج دے ظلم تے بربریت دی ودھ ساری مذمت کریندے ہوئیں آکھیے جو مظلوم کشمیریاں دی رت ناحق وہا تے بھارت انہاں دے حق خود ارادیت دی منصفانہ تحریک کوں دبا نی سگدا ۔ بھارتی قابض فوج مقبوضہ کشمیر دے حریت پسند عوام دے عزم توں ہر گی اے، پاکستان حق خودارادیت گھنڑ تئیں کشمیریاں دی اخلاقی، سیاسی اتے سفارتی حمایت جاری رکھیسی۔اپنڑے بیان اچ وزیر مملکت مریم اورنگزیب آکھیا جو کشمیریاں دا خون عالمی ضمیر سانگے ہک چیلنج ہے۔مظلوم کشمیری سوال پچھدے پن جو عالمی برادری بھارتی ظلم تے چپ کیوں اے۔انہاں آکھیا جو تحریک آزادی کشمیر دی شمع شہداءدی رت نال روشن اے، انہاں دیاں دیاں قربانیاں حریت دا ہک نواں باب رقم کر ڈتے۔انہاں آکھیا جو کشمیری ماواں، بھینڑاں ، دھیریں تے بالاں عظیم قربانیاں ڈے تے آزادی دی تریخ اچ حوصلے، صبر اتے استقامت دی مثال قائم کیتی اے۔وزیر مملکت مریم اورنگزیب آکھیا جو پاکستان دا ہک ہک بال کشمیریاں دی جدوجہد اتے انہاں دے عظیم جذبے کوں سلام پیش کریندے۔ پوری قوم کشمیریاں دے حق خودارادیت گھنڑ تئیں چٹان بنڑ تے کشمیریاں دے نال کھڑی رہسی۔انہاں آکھیا جو اقوام متحدہ مسئلہ کشمیر دے حل سانگے اپنڑیاں قرارداداں تے عملدرآمد سانگے اقدامات کرے، جنہاں اقدامات دا مظلوم کشمیریاں نال وعدہ کیتا ہویا اے۔