وزیراعظم شاہد خاقان عباسی دا کمپیوٹر کوڈنگ دی تعلیم حاصل کرنڑ آلی بالڑیاں دے اعزازاچ تھیونڑ آلی تقریب توں خطاب

اسلام آباد۔ 26 اپریل (اے پی پی) وزیراعظم شاہد خاقان عباسی آکھیا جو حکومت تریمتیں کوں ہکو جیہے موقع ڈیونڑ سانگے کم کریندی پئی اے تانجو او آپنڑی بہترین صلاحیتاں ڈکھیندیں ہوئیں سارے زندگی دے شعبیاں اچ اگوں ودھ سگن۔انہاں اے گالھ خمیس وکں اتھاں وزیراعظم آفس اچ وزارت انفارمیشن ٹیکنالوجی اینڈ ٹیلی کمیونیکیشن پاروںکمپیوٹر کوڈنگ دی تعلیم حاصل کرنڑ آلی بالڑیاں دے اعزازاچ تھیونڑ آلی تقریب توں خطاب کریندیں ہوئیں آکھی۔انہاں آکھیا جو او سمجھدن جو اگر پاکستان دی تریمتاں کوں ہکو جیہے موقع ڈتے ونجن تاں او آپنڑی صلاحیتاں دا بہترین انداز اچ مظاہرہ کرنڑ دی صلاحیت رکھیندن۔انہاں پورے ملک توں چھوکریاں کوں کمپیوٹر دی تعلیم دی عملی تربیت ڈیونڑ دے منصوبے دی تعریف کیتی ۔انہاں آکھیا جو اے پروگرام 30ہزار تریمتیں کوں ڈیجیٹل مہارتاں بارے آگاہی ڈیسی جیڑھا جو پاکستان بیت المال دا حصہ ہن اتے آئی سی ٹی سکول پروگرام توں ہک لکھ 10ہزار طالبات فائدہ چیندی پئین۔