وزیراعظم شاہد خاقان عباسی دی سری لنکن آرمی دے کمانڈر لیفٹیننٹ جنرل مہیش سینا نائیکے سے گفتگو
علاقائی امن پاکستان اتے سری لنکا ڈوہیں ملکاں دا سانجھا مقصد اے،جیڑھا جو دفاع دے میدان اچ ڈھیر تعاون اتے مہارت دا تبادلہ منگدے، وزیراعظم شاہد خاقان عباسی دی سری لنکن آرمی دے کمانڈر لیفٹیننٹ جنرل مہیش سینا نائیکے نال گالھ مہاڑ
اسلام آباد ۔ 23 اپریل (اے پی پی) وزیراعظم شاہد خاقان عباسی پاکستان اتے سری لنکا وچال سکیورٹی تعاون تے اطمینان دا اظہار کریندیں ہوئیں آکھیے جو علاقائی امن پاکستان اتے سری لنکا ڈوہیں ملکاں دا سانجھا مقصد اے،جیڑھا جو دفاع دے میدان اچ ڈھیر تعاون اتے مہارت دا تبادلہ منگدے۔انہاں اے گالھ سری لنکن آرمی دے کمانڈر لیفٹیننٹ جنرل مہیش سینا نائیکے نال کیتی جنہاں سنوار کوں وزیراعظم آفس اچ انہاں نال ملاقات کیتی جئیں دے اچ ڈو پاسہ تعلقات اتے آپسی تعاون بارے گالھ مہاڑ تھئی۔ لیفٹیننٹ جنرل مہیش سینا نائیکے دہشت گردی دی لعنت دے خلاف جنگ اچ پاکستانی قوم اتے اوندی بہادر مسلح فوج دی قربانیاں دی تعریف کیتی۔انہاں آکھیا جو سری لنکا پاکستان نال آپنڑے تعلقات کوں بئیا ودھاونڑ چاہندے اتے خاص طور سکیورٹی اتے دفاع دے شعبیاں اچ آپنڑے تعاون کوں اگوہاں کرنڑ چاہندے۔
