اسلام آباد۔ 11اپریل(اے پی پی) وزیر خارجہ خواجہ محمد آصف قومی اسمبلی کوں ڈسایا جو مقبوضہ کشمیر اچ انسانی حقوق دیاں پامالیوں کوں منظر عام تے گھن آونڑ سانگے پاکستان اوآئی سی اقوام متحدہ دے انسانی حقوق دے اداریں سمیت سارے عالمی فورمز کوں استعمال کریندا پے ۔بدھ کوں قومی اسمبلی اچ سوالاں دے وقفے دے دوران بیلم حسنین دے سوال دے جواب اچ وزیر خارجہ آکھیا جووزیراعظم کل باﺅ فورم دے موقع تے اقوام متحدہ دے سیکرٹری جنرل دے نال ملاقات اچ وی مقبوضہ کشمیر اچ انسانی حقوق دیاں سنگین پامالیاں دے معاملے کوں چاتے ۔ پاکستان بین الاقوامی برادری دے سامنڑے ایں مسئلے تے بھارتی قابض فوج دے ہتھوں کشمیریاں تے کیتے ونجنڑ آلے ظلم کوں نشابر کرنڑ سانگے او آئی سی ‘ اقوام متحدہ دی انسانی حقوق کونسل تے بئے عالمی فورمز کوں استعمال کریندا پے ۔
