وفاقی حکومت مالی سال 2018-19دے قومی ترقیاتی پروگرام کیتے 2ہزار 43ارب روپے رکھ ڈتن وفاقی سرکاری ترقیاتی پروگرام دا حجم 1030ارب صوبائی سالانہ ترقیاتی پروگرام دا حجم 1013ارب جڈاں جو مجموعی ترقیاتی پروگرام اچ 171ارب روپے دی غیر ملکی امداد اتے 100ارب روپے دی پرائیویٹ پبلک پارٹنر شپ فنانسنگ شامل ترقیاتی پروگرام اچ سی پیک منصوبیاں کوں ترجیح ،پانڑیں بجلی اتے ٹرانسپورٹ دے منصوبیاں کوں وی پہلے پورا کیتا ویسی

اسلام آباد ۔ 27 اپریل (اے پی پی) وفاقی حکومت آندے مالی سال 2018-19دے قومی ترقیاتی پروگرام کیتے 2ہزار 43ارب روپے رکھ ڈتن ۔وفاقی سرکاری ترقیاتی پروگرام دا حجم 1030ارب صوبائی سالانہ ترقیاتی پروگرام دا حجم 1013ارب جڈاں جو مجموعی ترقیاتی پروگرام اچ 171ارب روپے دی غیر ملکی امداد اتے 100ارب روپے دی پرائیویٹ پبلک پارٹنر شپ فنانسنگ شامل اے۔ترقیاتی پروگرام اچ سی پیک منصوبیاں کوں ترجیح ،پانڑیں بجلی اتے ٹرانسپورٹ دے منصوبیاں کوں وی پہلے پورا کیتا ویسی ۔جمعے کوں آندے مالی سال 2018-19کیتے سرکاری شعبے دا ترقیاتی پروگرام جاری کیتے اے پروگرام وفاقی حکومت ولوں متعارف کرائے گے وژن 2025اچ مقرر تھیونڑ آلے سماجی و اقتصادی اہداف دے حصول کیتے ہک اہم ہتھیار اے ۔پی ایس ڈی پی دے تحت اخراجات دا مقصد ملک دے فزیکل اتے سوشل انفراسٹرکچر کوں بیاں پکا کرنڑ اچ تاں جو معیشت کوں پائیدا ر اتے اچی شرح نمو تے سٹیا ونج سگے ۔وزارت منصوبہ بندی ترقی اتے اصلاحات سرکاری شعبے دے ترقیاتی پروگرام کوں پائیدار ترقیاتی اہداف سی پیک دے طویل مدتی پلان اتے وژن 2025دے پلان دے مطابق بنڑائے ۔اے کثیر الجہتی پیکیج ملک اچ متوازن ترقی سانگے مدد ڈیسی ۔واضح رہے جو قومی اقتصادی کونسل 24اپریل 2018کوں 2043ارب روپے دے قومی ترقیاتی پروگرام برائے 2018-19دی منظوری ڈتی ہئی جیندے اچ ہک ہزار 13ارب روپے دا صوبائی سالانہ ترقیاتی پروگرام شامل اے ۔وفاقی سطح دے سرکاری ترقیاتی پروگرام دا حجم 1030ارب روپے ہے جیندے اچ 171ارب روپے دی غیر ملکی امدا د شامل اے اتے 100ارب روپے دی پبلک پرائیویٹ پارٹنر شپ آلی کار فنانسنگ وی شامل اے ۔سرکاری شعبہ دے ترقیاتی دے تحت وفاقی وزارتاں کیتے مجموعی طور تے چا ر کھرب 58ارب 77کروڑ 50لکھ روپے رکھیے گن جیندے اچ 39ارب 88کروڑ 86لکھ روپے توں ودھ دی غیر ملکی امدا د وی شامل اے ۔مالی سال 2017-18اچ ایں پروگرام دے تحت وفاقی وزارتاں کیتے ترائے کھرب 77ارب 87کروڑ روپے رکھیے گے ہن ۔جیندے اچ 17ارب 53کروڑ 71لکھ روپے دی غیر ملکی امداد شامل ہئی ۔اگی تے آندے مالی سال کیتے ڈو کارپویشناں ،نیشنل ہائی وے اتھارٹی اتے این ٹی ڈی سی /پیپکو کیتے مجموعی طور تے 2کھرب 37ارب 72کروڑ 50لکھ روپے رکھیے گن ۔جڈاں جو ایں سال رکھی گی رقم دا حجم 2کھرب 38ارب 73کروڑ 23لکھ روپے ہے ۔وزیراعظم دے گلوبل ایس ڈی جیز اچیو منٹ پروگرام کیتے 5ارب روپے، سی پیک منصوبیں کوں توڑ پجاونڑ سانگے 5ارب روپے ،فاٹا دے 10سالاں دے پلان کیتے 10ارب روپے ،ایرا کیتے 8ارب 50کروڑ روپے جڈانجو آندی حکومت ولوں نویں منصوبیاں کیتے بلاک ایلوکیشن دی مد اچ ہک کھرب روپے رکھیے گن ۔ایندے توں علاوہ آئی ڈی پیز دی امداد کیتے 45ارب روپے ،سیکورٹی اچ ودھارے کیتے 45ارب روپے ،وزیراعظم یوتھ پروگرام کیتے 10ارب روپے گیس انفرا سٹرکچر ڈویلپمنٹ سیس کیتے 5ارب روپے رکھیے گن ،پبلک پرائیویٹ پارٹنر شپ آلی کار فنانسنگ ( بجٹ توں علاوہ ) کیتے ہک کھرب روپے رکھیے گن ۔مجموعی طور تے آندے مالی سال کیتے سرکاری شعبے دے ترقیاتی پروگرام دے تحت 20کھرب 43ارب روپے رکھیے گن ،جیندے اچوں ترائے کھرب 30ارب 21کروڑ 95لکھ روپے دی غیر ملکی امداد شامل اے ۔ایں سال صوبیاں کیتے مجموعی طور تے 10کھرب 13ارب روپے رکھیے گن ،جیندے اچ ہک کھرب 59ارب 21کروڑ دی غیر ملکی امدادشامل اے ۔جاری مالی سال اچ صوبیاں دے ترقیاتی پروگرام دا حجم 11کھرب 12ارب روپے ہے جیندے اچ 1کھرب 95ارب دی غیر ملکی امداد شامل اے ۔آندے مالی سال دے ترقیاتی پروگرام اچ سی پیک دے منصوبیاں کوں ویلھے تے پورا کرنڑ کیتے ترجیح ڈتی گی اے ۔پانڑیں بجلی اتے ٹرانسپورٹ دے منصوبے وی ترجیحاں اچ رکھیے گن ۔سرکاری شعبے دے ترقیاتی پروگرام اچ پہلی واری پبلک پرائیویٹ پارٹنر شپ دا نواں طریقہ کار وی شروع کیتا گے ۔جیندے نال ترقیاتی عمل کوں بیا اجتماعی بنڑاونڑ اتے سرکاری خزانے تے بار گھٹ کرنڑ اچ مدد مل ویسی ۔آندے مالی سال کیتے سرکاری شعبے دا ترقیاتی پروگرام ملکی تاریخ دا ساریں توں وڈا پروگرام اے ۔جیرھا موجود ہ حکومت ولوں وڈے پیمانے تے ترقی دے عمل کوں تکھا کرنڑ دی کوششاں کوں ڈسیندے ایندے توں علاوہ اعلیٰ تعلیم ،تحقیق سائنس تے ٹیکنالوجی دے شعبیاں کیتے وی ودھ سارے پیسے رکھیے گن ،تاں جو ملک دی ودھدی ہوئی لوڑ کوں پورا کریندے ہوئیں علم اتے معیاری تحقیق کوں ودھایا ونج سگے ۔اینویں ہی زراعت کان کنی اتے بئے اہم شعبیاں اچ ڈھانچاجاتی چنگائی کیتے وی پیسے رکھیے گن ۔نینگراں تے خصوصی توجہ ڈتی گی اے ،کھیڈاں دے ودھارے تے وی اہمیت ڈتی گی اے تاں جو صحت مندانہ مقابلے اتے کھیڈاں کوں ترقی ڈتی ونج سگے ۔