وفاقی وزیر برائے منصوبہ بندی، ترقی، اصلاحات تے داخلہ احسن اقبال دا آئی ایم ایف کانفرنس توں خطاب

بیجنگ۔ 12 اپریل (اے پی پی) وفاقی وزیر برائے منصوبہ بندی، ترقی، اصلاحات تے داخلہ احسن اقبال آکھیا جو گلوبل مارکیٹ اچ نویں ڈیمانڈز نال کمزور معیشتاں کوں سہارا ملسی،دنیا اچ رابطے ودھاونڑ نال معیشتاں دا استحکام ممکن تھیسی،بیلٹ اینڈ روڈ منصوبہ منصوبیاں کوں ودھا کراہیں نویں مارکیٹس دے قیام اچ مددگار ثابت تھیندا پئے ۔اے گالھیں انہاں بیجنگ اچ آئی ایم ایف کانفرنس توں خطاب کریندیں ہوئیں آکھی۔انہاں آکھیا جو نویں مارکیٹس تئیں رسائی پاروں اساڈی معیشت مستحکم رہسی۔احسن اقبال آکھیا جو پاکستان تونائی دے شعبہ اچ باہرلی سرمایہ کاری دی مدد نال اہم پیشرد کیتی اے،جتھاں 16توں 17گھنٹے لوڈشیڈنگ تھیندی اے اج 17گھنٹیاں تئیں بجلی دی فراہمی ممکن تھئی اے۔انہاں آکھیا جو پاکستان دی صنعتی پیداوار اچ ودھارا تھے۔انہاں آکھیا جو ایں مالی سال اچ پاکستان 5.8فیصد شرح نمو گھنڑ اچ کامیاب تھیے۔