ٹنڈو جام اچ گیس پروسیسنگ فیسلیٹی دے اہم قومی منصوبے دی تکمیل اتے افتتاح دی خوشی اے، پاکستان مسلم لیگ (ن) دی حکومت نہ صرف پہلے توں زیر تکمیل منصوبیں کوںپورا کیتا بلکہ کئی نویں منصوبے شروع کرتے انہاں کوں وی پورا کیتا، گیس پیدا کرنڑ آلے علاقیں دی ترقی دے حوالے نال مزید اقدامات کیتے ویسن،مسلم لیگ ن دی حکومت بہترین عوام دوست بجٹ پیش کیتا وزیراعظم شاہد خاقان عباسی دا ٹنڈو جام اچ گیس پروسیسنگ فیسلیٹی دی افتتاحی تقریب نال خطاب

ٹنڈوجام ۔ 28 اپریل (اے پی پی) وزیراعظم شاہد خاقان عباسی آکھیا جو ٹنڈو جام اچ گیس پروسیسنگ فیسلٹی دے اہم قومی منصوبیں دی تکمیل تے افتتاح دی خوشی اے ،مسلم لیگ ن پاکستان دی تاریخ دا بہترین عوام دوست بجٹ پیش کیتا ،او جی ڈی سی ثابت کیتا جو او اپنڑاں کم مقررہ وقت تے قیمت اچ کر سگدی اے ،پاکستان مسلم لیگ ن دی حکومت نہ صرف پہلے توں زیر تکمیل منصوبے کوں پورا کیتا بلکہ کئی نویں منصوبیں کوں شروع کرتے انہاں کوں ویلھے نال پورا کیتا ۔،گیس پیدا کرنڑ آلے علاقیں دی ترقی دے حوالے نال مزید اقدامات کیتے ویسن ترقیاتی منصوبیں دی تکمیل مسلم لیگ (ن) اتے سابق وزیراعظم محمد نواز شریف دے وژن دی عکاس اے ،اساں جیرھے وی وعدے کیتن انہاں کوں پورا کریندے پیوں ،ماضی دیاں حکومتاں ملک اچ گیس دے بہتر معیار کوں یقینی بنڑاونڑ دے توجہ کائنی ڈتی تے صارفین کوں ڈتی ونجنڑ آلی گیس دے حوالے نال کئی قسم دے مسلے درپیش ہن ،ایں طرح دے بئے کئی قومی منصوبیں کوں ویلھے نال پورا نہ تھیونڑ پاروں قومی معیشت کوں سینکڑاں ارب دا ضیان برداشت کرنڑاں پیا ،اساں نہ صرف گیس دی فراہمی یقینی بنڑائی بلکہ انہاں پلانٹس توں صارفین کوں ڈتی ونجنڑ آلی گیس دا معیار وی بہتر بنڑایا ،ملک اچ جمہورتی نال ہی پائیدار ترقی دے عمل کوں یقینی بنڑایا ونج سگدے ۔ ہفتے کوں ٹنڈو جام اچ گیس پروسیسنگ فیسلیٹی دی افتتاحی تقریب نال خطاب کریندے ہویں وزیراعظم ناقدین کوں چیلنج کریندے ہوئیں آکھیا جو بجلی گیس سمیت توانائی دے بئے شعبیں دے ترقیاتی منصوبیں تے اساڈے نال مناظرہ کرن ۔انہاں آکھیا ملکی ترقی دے دعوے کرنڑ آلیں اپنڑے دور حکومت دا کوئی ہک میگا ترقیاتی منصوبہ ڈکھا ڈیون ۔وزیراعظم آکھیا میں اج جتھاں موجود ہاں اتھاں سی سڑک وی مسلم لیگ ن بنڑائی اے ۔انہاں آکھیا اساں قومی معیشت دے مختلف شعبیں اچ اتنے کم کیتن جیں تے گزریل 65سال دے دوران توجہ کائنی ڈتی گی ۔انہاں آکھیا مسلم لیگ ن دی حکومت گزریل پنج سال اچ جیرھے کم کیتن انہاں دی ملکی ترقی اچ مثال نی ملدی ۔اساں تے الزام لاونڑ آلے کوئی ہک الزام ثابت کرن ۔ تقریب اچ سینیٹر راحیلہ مگسی، او جی ڈی سی ایل دے اعلیٰ حکام سمیت بئے مختلف اداریں تے کاروباری سمیت علاقے دے معززین شرکت کیتی ۔وزیراعظم ایں موقع تے او جی ڈی سی ایل دی کاکردگی دی تعریف کیتی ۔