لندن۔ 30 اپریل (اے پی پی) برطانوی وزیر اعظم تھریسا مے ہوم سیکرٹری ایمبر رڈ دے استعفے توں بعد پاکستانی نژاد برطانوی سیاستدان اتے ماہر اقتصادیات ساجد جاوید کوں نواں وزیر داخلہ بنڑا ڈتے۔او ایں عہدے تے پہلے ایشیائی نژاد برطانوی اتے مسلمان ہین۔ساجدجاوید دے پیو 1961ءاچ برطانیہ آئن اتے بس ڈرائیوری کریندے ہن۔48 سالہ ساجد جاوید ڈوئچے بنک دے ایم ڈی وی رہ چکین۔او برطانیہ دی کنزرویٹو پارٹی ولوں 2016ءتوں کمیونیٹیز اینڈ لوکل گورنمنٹ دے وزیر ہن۔او 2015-16 ءاچ بزنس، انوویشن اینڈ سکلز، 2014-15ءاچ کلچر، میڈیا اینڈ سپورٹس دے وزیر اتے ایندے توں پہلے 2013-14ءاچ سٹی منسٹر اتے 2012-13ءاچ اکنامک سیکرٹری رہین۔
