اسلام آباد ۔ 25 اپریل (اے پی پی) وزیراعظم شاہد خاقان عباسی نال قزاخستان دے سفیر بارلی بے سادیقوف ملاقات کیتی اے۔ ایں موقع تے وزیراعظم شاہد خاقان عباسی آکھیے جو پاکستان اتے قزاخستان وچال اعتماد،افہام و تفہیم آلے چنگے تعلقات ہیں، ڈوہائیں ملکاں وچال تجارت ، سرمایہ کاری اتے اقتصادی روابط ودھاونڑ دی لوڑھ اے۔وزیراعظم نویں سفیر کوں مابرک ڈیندے ہوئیں امید کیتی جو او ڈوہاں ملکاں دے تعلقات کوں ودھاونڑ کیتے اپنڑا کردار ادا کریسن۔قزاخستان دے سفیر آکھیے جو انہاں دا ملک پاکستان نال اپنڑے تعلقات کوں اہمیت ڈیندے، ایں سانگے اساں پاکستان نال مواصلاتی رابطے، راہداری تجارت معاہدیاں اتے اقتصادی تعلقات دے ودھارے کیتے گانڈھا چاہندے ہیں۔ انہاں وزیر اعظم کوں تاجک صدر نور سلطان نذر بایوف دی قزاخستان دی ترقیاتی حکمت عملی 2050ءدی وی تفصیل ڈسائی۔
