پاکستان بجلی، تیل و گیس، ٹیلی کام اتے مالیاتی خدمتاں اچ سرمایہ کاری تے پرکشش منافع ڈیندے، وزیراعظم شاہد خاقان عباسی

اسلام آباد ۔ 25 اپریل (اے پی پی) وزیراعظم شاہد خاقان عباسی پاکستان اتے متحدہ عرب امارات وچال تجارت دے ودھدے حجم تے اطمینان کریندے ہوئیں آکھیے جو پاکستان بجلی، تیل و گیس، ٹیلی کام اتے مالیاتی خدمتاں اچ سرمایہ کاری تے پرکشش منافع ڈیندے۔ انہاں اے گالھ یو اے ای دے سفیر حمد عبید ابراہیم سالم الزابی نال ملاقات اچ آکھی۔وزیراعظم یو اے ای نال تعلقات دے حوالے نال آکھیے جو پاکستانی تارکین وطن دی ہک وڈی تعداد یو اے ای دی ترقی اچ اہم کردار ادا کریندی پئی اے۔ انہاں یو اے ای دی ترقی اتے پاکستان کوں بالخصوص دورپریں دے علاقیاں اچ ڈتی ونجنڑ آلی انسانی ہمدردی اچ ہتھ ونڈاونڑ دی تعریف کیتی اتے پاکستان دے عوام ولوں یو اے ای دے صدر شیخ خلیفہ بن زید النہیان اتے عوام کیتے نیک خواہشاں پچائن۔یو اے ای دے سفیر وزیراعظم دا شکریہ ادا کریندے ہوئیں پاکستان دے تیل و گیس دے شعبہ اچ سرمایہ کاری کیتے یو اے ای دی دلچسپی ظاہر کیتی۔